ਬਾਘਾ ਪੁਰਾਣਾ ਥਾਣੇ ਦਾ ਘਿਰਾਓ

ਔਰਬਿਟ ਬੱਸ ਕਾਂਡ
ਸੁਖਬੀਰ ਬਾਦਲ ਸਮੇਤ ਸਾਰੇ ਮਾਲਕਾਂ ਤੇ ਕੇਸ ਦਰਜ ਕਰਾਉਣ ਲਈ
ਬਾਘਾ ਪੁਰਾਣਾ ਥਾਣਾ ਦਾ ਘਿਰਾਓ ਸ਼ੁਰੂ

ਔਰਬਿਟ ਬੱਸ ਕਾਂਡ ਦੌਰਾਨ ਕਤਲ ਕੀਤੀ ਗਈ ਅਰਸ਼ਦੀਪ ਕੌਰ ਦੇ ਮਾਮਲੇ ਨੂੰ ਲੈ ਕੇ ਬੱਸ ਕੰਪਨੀ ਦੇ ਮਾਲਕ ਸੁਖਬੀਰ ਸਿੰਘ ਬਾਦਲ ਸਮੇਤ ਸਾਰੇ ਮਾਲਕਾਂ ਤੇ ਕੇਸ ਦਰਜ ਕਰਕੇ ਗ੍ਰਿਫਤਾਰ ਕਰਨ, ਕੰਪਨੀ ਦੇ ਰੂਟ ਪਰਮਿਟ ਰੱਦ ਕਰਕੇ ਕੰਪਨੀ ਨੂੰ ਸਰਕਾਰੀ ਹੱਥਾਂ ਚ ਲੈਣ, ਨਿੱਜੀ ਬੱਸਾਂ ਚ ਸਹਾਇਕਾਂ ਦੇ ਨਾਂਅ ਤੇ ਗੁੰਡਾ ਗ੍ਰੋਹ ਭਰਤੀ ਕਰਨ ਤੇ ਪਾਬੰਦੀ ਲਾਉਣ ਤੇ ਟਰਾਂਸਪੋਰਟ ਦੇ ਖੇਤਰ ਵਿੱਚ ਵੱਡੀ ਅਜਾਰੇਦਾਰੀ ਰੱਦ ਕਰਕੇ ਨਿੱਜੀਕਰਣ ਦੀ ਨੀਤੀ ਰੱਦ ਕਰਨ ਅਤੇ ਟਰਾਂਸਪੋਰਟ ਦੇ ਖੇਤਰ ਚ ਸਰਕਾਰੀਕਰਨ ਦਾ ਅਮਲ ਚਲਾਉਣ ਆਦਿ ਮੰਗਾਂ ਨੂੰ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ, ਪੰਜਾਬ ਖੇਤ ਮਜ਼ਦੂਰ ਯੂਨੀਅਨ ਅਤੇ ਨੌਜਵਾਨ ਭਾਰਤ ਸਭਾ ਤੇ ਅਧਾਰਿਤ ਐਕਸ਼ਨ ਕਮੇਟੀ ਤੇ ਸਹਿਯੋਗੀ ਜੱਥੇਬੰਦੀਅਾਂ ਵੱਲੋਂ ਬਾਘਾ ਪੁਰਾਣੇ ਦੇ ਉਸ ਥਾਣੇ ਦਾ ਦੋ ਰੋਜ਼ਾ ਘਿਰਾਓ ਸ਼ੁਰੂ ਕੀਤਾ ਗਿਆ ਹੈ । ਜਿੱਥੇ ਇਸ ਕਾਂਡ ਨਾਲ ਸਬੰਧਤ ਐਫ.ਆਈ.ਆਰ ਨੰਬਰ ੬੨ ਮਿਤੀ ੩੦-੪-੨੦੧੫ ਦਰਜ ਕੀਤੀ ਗਈ ਹੈ ।

ਘਿਰਾਓ ਕਰੀ ਬੈਠੇ ਭਾਰੀ ਤਾਦਾਦ ਵਿੱਚ ਅੱਤ ਦੀ ਗਰਮੀ ਦੇ ਬਾਵਜੂਦ ਜੁੜੇ ਔਰਤਾਂ ਤੇ ਮਰਦਾਂ ਨੂੰ ਸੰਬੋਧਨ ਕਰਦਿਅਂ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਦੇ ਸੂਬਾ ਪ੍ਰਧਾਨ ਜੋਗਿੰਦਰ ਸਿੰਘ, ਸੁਖਦੇਵ ਸਿੰਘ ਕੋਕਰੀ ਕਲਾਂ, ਪੰਜਾਬ ਖੇਤ ਮਜਦੂਰ ਯੂਨੀਅਨ ਦੇ ਸੂਬਾ ਪ੍ਰਧਾਨ ਜ਼ੋਰਾ ਸਿੰਘ ਨਸਰਾਲੀ ਤੇ ਨੌਜਵਾਨ ਭਾਰਤ ਸਭਾ ਦੇ ਸੂਬਾ ਜਥੇਬੰਦਕ ਸਕੱਤਰ ਪਾਵੇਲ ਕੁੱਸਾ ਆਦਿ ਬੁਲਾਰਿਅਾਂ ਨੇ ਸੰਬੋਧਨ ਕੀਤਾ । ਬੁਲਾਰਿਅਾਂ ਨੇ ਜ਼ੋਰ ਦੇ ਕੇ ਇਸ ਬੱਚੀ ਦੇ ਕਤਲ ਦੀ ਘਟਨਾ ਔਰਬਿਟ ਬੱਸ ਮਾਲਕਾਂ ਵੱਲੋਂ ਬੱਸਾਂ ਚ ਰੱਖੇ ਗੁੰਡਾ ਅਨਸਰਾਂ ਵੱਲੋਂ ਔਰਤਾਂ ਅਤੇ ਸਵਾਰੀਅਾਂ ਨਾਲ ਕੀਤੇ ਜਾਂਦੇ ਧੱਕੇ ਤੇ ਜ਼ਬਰ ਦਾ ਸਿਖਰ ਹੈ । ਉਹਨਾਂ ਸੁਖਬੀਰ ਸਿੰਘ ਬਾਦਲ ਸਮੇਤ ਸਾਰੇ ਮਾਲਕਾਂ ਤੇ ਕੇਸ ਦਰਜ ਕਰਨ ਦੀ ਮੰਗ ਨੂੰ ਵਾਜ਼ਿਬ ਠਹਿਰਾਉਂਦਿਅਾਂ ਆਖਿਆ ਕਿ ਸੁਖਬੀਰ ਸਿੰਘ ਬਾਦਲ ਨੇ ਗ੍ਰਹਿ ਮੰਤਰੀ ਹੁੰਦਿਅਾਂ ਸੁਪਰੀਮ ਕੋਰਟ ਵੱਲੋਂ ਬੱਸਾਂ ਸਬੰਧੀ ਜਾਰੀ ਹਦਾਇਤਾਂ ਦੀ ਉਲੰਘਣਾ ਕਰਕੇ ਜਾਣ-ਬੁੱਝ ਕੇ ਅਪਰਾਧ ਕੀਤਾ ਹੈ । ਉਹਨਾਂ ਆਖਿਆ ਕਿ ਸੁਪਰੀਮ ਕੋਟ ਦੇ ਜਸਟਿਸ ਵਰਮਾ ਕਮਿਸ਼ਨ ਦੀ ਰਿਪੋਰਟ ਦੀ ਰੌਸ਼ਨੀ ਸੁਪਰੀਮ ਕੋਰਟ ਵੱਲੋਂ ਬੱਸਂ ਚ ਔਰਤਾਂ ਖਿਲਾਫ ਛੇੜਛਾੜ  ਤੇ ਬਲਾਤਕਾਰ ਦੀਅਾਂ ਘਟਨਾਵਾਂ ਰੋਕਣ ਲਈ ਬੱਸਾਂ ਚ ਸੀ.ਸੀ.ਟੀ.ਵੀ ਕੈਮਰੇ ਲਾਉਣ, ਕਾਲੇ ਸ਼ੀਸ਼ੇ ਤੇ ਪਰਦੇ ਹਟਾਉਣ ਦੇ ਸਪਸ਼ੱਟ ਨਿਰਦੇਸ਼ ਸਭਨਾਂ ਰਾਜ ਸਰਕਾਰਾਂ ਨੂੰ ਭੇਜੇ ਸਨ ਪਰ ਔਰਬਿਟ ਬੱਸ

ਮਾਲਕਾਂ ਨੇ ਇਸਦੀ ਉਲੰਘਣਾ ਕਰਕੇ ਆਪਣੇ ਬੱਸ ਸਟਾਫ ਨੂੰ ਅਜਿਹੀਅਾਂ ਘਟਨਾਵਾਂ ਲਈ ਉਤਸ਼ਾਹਿਤ ਕੀਤਾ ਹੈ ।

ਇਸ ਮੌਕੇ ਐਕਸ਼ਨ ਕਮੇਟੀ ਵੱਲੋਂ ਔਰਬਿਟ ਬੱਸ ਕਾਂਡ ਸਬੰਧੀ ਥਾਣਾ ਬਾਘਾ ਪੁਰਾਣਾ ਚ ਦਰਜ ਐਫ.ਆਈ.ਆਰ 'ਚ ਸੁਖਬੀਰ ਸਿੰਘ ਬਾਦਲ ਸਮੇਤ ਸਭਨਾਂ ਮਾਲਕਾਂ ਦਾ ਨਾਂ ਦਰਜ ਕਰਵਾਉਣ ਲਈ ਥਾਣਾ ਮੁਖੀ ਨੂੰ ਲਿਖਤੀ ਸ਼ਿਕਾਇਤ ਵੀ ਸੌਂਪੀ ਗਈ ਹੈ ਤੇ ਇਸਦੀ ਕਾਪੀ ਐਸ.ਐਸ.ਪੀ ਮੋਗਾ ਨੂੰ ਵੀ ਭੇਜੀ ਗਈ।

ਬੁਲਾਰਿਅਾਂ ਨੇ ਆਖਿਆ ਕਿ ਬਾਦਲ ਸਰਕਾਰ ਤੇ ਪੁਲਿਸ ਅਜੇ ਵੀ ਜ਼ਬਰ ਤੇ ਉਤਾਰੂ ਹੈ ਅਤੇ ਫਰੀਦਕੋਟ ਚ ਰੋਸ ਪ੍ਰਗਟ ਕਰਦੇ ਵਿਦਿਆਰਥੀਅਾਂ ਤੇ ਅੰਨਾ ਤਸ਼ੱਦਦ ਤੇ ਇਰਾਦਾ ਕਤਲ ਕੇਸ ਦਰਜ ਕਰਕੇ ਲੋਕ ਰੋਹ ਨੂੰ ਦਬਾਉਣ ਦਾ ਯਤਨ ਕੀਤਾ ਗਿਆ ਹੈ ।

ਉਹਨਾਂ ਆਖਿਆ ਕਿ ਔਰਬਿਟ ਬੱਸ ਕਾਂਡ ਤੋਂ ਦੋ ਦਿਨਾਂ ਬਾਅਦ ਹੀ ਹਮੀਰਗੜ ਦੇ ਖੇਤ ਮਜ਼ਦੂਰਾਂ ਉੁੱਤੇ ਪਿੰਡ ਦੇ ਅਕਾਲੀ ਲੀਡਰ”ਾਂ ਤੇ ਪੁਲਿਸ ਵੱਲੋਂ ਕੀਤਾ ਗਿਆ ਅੰਨਾ ਜ਼ਬਰ ਇਸੇ ਗੱਲ ਦੀ ਪੁਸ਼ਟੀ ਕਰਦਾ ਹੈ ਕਿ ਪੰਜਾਬ ਚ ਬਾਦਲਾਂ ਦੇ ਰਾਜ ਚ ਜ਼ਬਰ-ਜੁਲਮ ਤੇ ਗੁੰਡਾ ਕਾਰਵਾਈਅਾਂ ਆਏ ਦਿਨ ਦਾ ਵਰਤਾਰਾ ਬਣ ਚੁੱਕੀਅਾਂ ਹਨ।
ਇਸ ਮੌਕੇ ਡੀ.ਟੀ.ਐਫ ਦੇ ਦਿਗਵਿਜੈਪਾਲ ਸ਼ਰਮਾ, ਬੇਰੁਜ਼ਗਾਰ ਲਾਇਨਮੈਨ ਯੂਨੀਅਨ ਦੇ ਨਿਰਮਲ ਸਿੰਘ ਮਾਹਲਾ, ਐਸ.ਐਸ.ਏ. ਰਮਸਾ ਅਧਿਆਪਕ ਯੂਨੀਅਨ ਦੇ ਚਮਕੌਰ ਸਿੰਘ ਬਾਘਾ ਪੁਰਾਣਾ ਪੰਜਾਬ ਆਦਿ ਬੁਲਾਰਿਅਾਂ ਨੇ ਵੀ ਸੰਬੋਧਨ ਕੀਤਾ ।

ਇਸ ਮੌਕੇ ਔਰਤਾਂ ਦੀ ਵੀ ਭਰਵੀਂ ਸ਼ਮੂਲੀਅਤ ਸੀ ਜਿੰਨ•ਾਂ ਚੋਂ ਕੁਲਦੀਪ ਕੌਰ ਕੁੱਸਾ, ਪਰਮਜੀਤ ਕੌਰ ਪਿੱਥੋ, ਹਰਪ੍ਰੀਤ ਕੌਰ ਜੇਠੂਕੇ ਤੇ ਹਰਿੰਦਰ ਕੌਰ ਬਿੰਦੂ ਨੇ ਸੰਬੋਧਨ ਕੀਤਾ ।

ਜਾਰੀ ਕਰਤਾ,
ਸੁਖਦੇਵ ਸਿੰਘ ਕੋਕਰੀ ਕਲਾਂ
94410-15099

ਪੋ੍. ਅਜਮੇਰ ਔਲਖ ਨੂੰ ''ਭਾਈ ਲਾਲੋ ਕਲਾ ਸਨਮਾਨ''

ਹਜ਼ਾਰਾਂ ਲੋਕ ਉੱਘੇ ਨਾਟਕਕਾਰ ਪੋ੍. ਅਜਮੇਰ ਔਲਖ ਨੂੰ

''ਭਾਈ ਲਾਲੋ ਕਲਾ ਸਨਮਾਨ'' ਨਾਲ ਸਤਿਕਾਰਨਗੇ

ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲੇ ਦੀ ਮੁਹਿੰਮ ਸ਼ੁਰੂ

ਪੰਜਾਬ ਦੀ ਅਗਾਂਹਵਧੂ, ਲੋਕ-ਪੱਖੀ ਅਤੇ ਇਨਕਲਾਬੀ ਸਾਹਿਤਕ ਧਾਰਾ ਦੀ ਉੱਘੀ ਸਖਸ਼ੀਅਤ, ਪ੍ਰੋ. ਅਜਮੇਰ ਸਿੰਘ ਔਲਖ ਨੂੰ ਪੰਜਾਬ ਦੀ ਇਨਕਲਾਬੀ ਜਨਤਕ ਲਹਿਰ ਵੱਲੋਂ ''ਭਾਈ ਲਾਲੋ ਕਲਾ ਸਨਮਾਨ''  ਨਾਲ ਸਤਿਕਾਰਿਆ ਜਾ ਰਿਹਾ ਹੈ। ਪਹਿਲੀ ਮਾਰਚ ਨੂੰ ਪੰਜਾਬ ਦੇ ਹਜ਼ਾਰਾਂ ਕਿਰਤੀ-ਕਿਸਾਨ, ਨੌਜਵਾਨ, ਵਿਦਿਆਰਥੀ, ਮੁਲਾਜ਼ਮ, ਔਰਤਾਂ, ਬੁੱਧੀਜੀਵੀ, ਸਾਹਿਤਕਾਰ, ਕਲਾਕਾਰ, ਰੰਗਕਰਮੀ, ਲੋਕ-ਪੱਖੀ ਪੱਤਰਕਾਰ, ਇਨਕਲਾਬੀ, ਲੋਕ-ਪੱਖੀ ਜਮਹੂਰੀ ਅਤੇ ਸਮਾਜਿਕ ਕਾਰਕੁਨ, ਤਰਕਸ਼ੀਲ, ਇਤਿਹਾਸਕਾਰ ਅਤੇ ਹੋਰ ਹਿੱਸੇ ਮਾਨਸਾ ਨੇੜੇ ਮਾਈ ਭਾਗੋ ਗਰਲਜ਼ ਕਾਲਜ, ਰੱਲਾ ਵਿਖੇ ਇਕੱਤਰ ਹੋਣਗੇ ਅਤੇ ਪ੍ਰੋ. ਅਜਮੇਰ ਔਲਖ ਨੂੰ ਖਰੀ ਲੋਕ-ਪੱਖੀ ਕਲਾ ਨੂੰ ਉਹਨਾਂ ਦੇ ਯੋਗਦਾਨ ਲਈ ਸਲਾਮ ਕਰਨਗੇ। ਇਹ ਸਮਾਗਮ ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ ਨਾਂ ਦੇ ਪਲੇਟਫਾਰਮ ਵੱਲੋਂ ਕੀਤਾ ਜਾ ਰਿਹਾ ਹੈ। ਇਹ ਪਲੇਟਫਾਰਮ ਗੁਰਸ਼ਰਨ ਸਿੰਘ ਇਨਕਲਾਬੀ ਸਲਾਮ ਕਮੇਟੀ ਦਾ ਜਾਰੀ ਰੂਪ ਹੈ, ਜਿਸ ਨੇ 11 ਜਨਵਰੀ 2006 ਨੂੰ ਮੋਗਾ ਨੇੜੇ ਪਿੰਡ ਕੁੱਸਾ ਵਿਖੇ, 20 ਹਜ਼ਾਰ ਲੋਕਾਂ ਦੀ ਇਕੱਤਰਤਾ 'ਚ ਪੰਜਾਬ ਦੀ ਇਨਕਲਾਬੀ ਨਾਟਕ ਲਹਿਰ ਦੇ ਸ਼੍ਰੋਮਣੀ ਉਸਰੱਈਏ ਗੁਰਸ਼ਰਨ ਸਿੰਘ ਨੂੰ ''ਇਨਕਲਾਬੀ ਨਿਹਚਾ ਸਨਮਾਨ'' ਨਾਲ ਸਤਿਕਾਰਿਆ ਸੀ। ਇਸ ਸਨਮਾਨ ਸਮਾਰੋਹ ਰਾਹੀਂ ਲੋਕ ਹੱਕਾਂ ਦੀ ਸੰਘਰਸ਼ ਲਹਿਰ ਅਤੇ ਇਨਕਲਾਬੀ ਲੋਕ-ਪੱਖੀ ਸਾਹਿਤਕ ਲਹਿਰ ਦੀ ਸਾਂਝ ਦੀ ਇੱਕ ਨਿਵੇਕਲੀ ਪ੍ਰੰਪਰਾ ਸ਼ੁਰੂ ਹੋਈ। ਨਾਟਕਕਾਰ ਅਜਮੇਰ ਸਿੰਘ ਔਲਖ ਇਸ ਪਲੇਟਫਾਰਮ ਵੱਲੋਂ ਜਨਤਕ ਸਨਮਾਨ ਹਾਸਲ ਕਰਨ ਵਾਲੇ ਅਗਲੀ ਸਾਹਿਤਕ ਸਖਸ਼ੀਅਤ ਹਨ।
''ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ'' ਦੀ ਮੀਟਿੰਗ ਤੋਂ ਬਾਅਦ, ਪ੍ਰੋ. ਅਜਮੇਰ ਔਲਖ ਦੇ ਰੰਗ-ਮੰਚ ਦੀ ਕਰਮਭੂਮੀ ਮਾਨਸਾ ਤੋਂ ਮੁਹਿੰਮ ਦਾ ਆਗਾਜ਼ ਕਰਦਿਆਂ ਕਨਵੀਨਰ ਜਸਪਾਲ ਜੱਸੀ ਨੇ ਦੱਸਿਆ ਕਿ ਸਲਾਮ ਕਾਫ਼ਲਾ ਮਿਹਨਤਕਸ਼ ਅਤੇ ਇਨਸਾਫਪਸੰਦ ਲੋਕਾਂ ਦੀ ਇਨਕਲਾਬੀ ਲਹਿਰ ਅਤੇ ਸਮਾਜ ਨੂੰ ਬਦਲਣ ਲਈ ਇਨਕਲਾਬੀ ਜਾਗਰਤੀ ਪੈਦਾ ਕਰ ਰਹੀ ਸਾਹਿਤਕ ਲਹਿਰ ਦੇ ਸੰਗਮ ਨੂੰ ਸਮਰਪਤ ਹੈ। ਲੋਕ ਹੱਕਾਂ ਲਈ ਸੰਘਰਸ਼ ਦੇ ਮੈਦਾਨ ਦੀਆਂ ਸਮਰਪਤ ਮਕਬੂਲ ਸਖਸ਼ੀਅਤਾਂ ਇਸ ਪਲੇਟਫਾਰਮ ਦਾ ਧੁਰਾ ਹਨ। ਦੂਜੇ ਪਾਸੇ ਪੰਜਾਬੀ ਸਾਹਿਤ ਅਤੇ ਕਲਾ ਜਗਤ ਦੀਆਂ ਕੱਦਾਵਰ ਸਖਸ਼ੀਅਤਾਂ ਅਤੇ ਸਮਰਪਤ ਕਲਾ ਕਾਰਕੁਨ ਇਸ ਪਲੇਟਫਾਰਮ ਨਾਲ ਨੇੜਿਉਂ ਜੁੜੇ ਹੋਏ ਹਨ। ''ਕਾਫ਼ਲਾ ਟੀਮ'' ਵਿੱਚ, ਕਨਵੀਨਰ ਤੋਂ ਇਲਾਵਾ ਸ੍ਰੀਮਤੀ ਕੈਲਾਸ਼ ਕੌਰ, ਅਮੋਲਕ ਸਿੰਘ, ਝੰਡਾ ਸਿੰਘ ਜੇਠੂਕੇ, ਜ਼ੋਰਾ ਸਿੰਘ ਨਸਰਾਲੀ, ਦਰਸ਼ਨ ਸਿੰਘ ਕੂਹਲੀ, ਕਰੋੜਾ ਸਿੰਘ, ਯਸ਼ਪਾਲ, ਪਵੇਲ ਕੁੱਸਾ, ਹਰਜਿੰਦਰ ਸਿੰਘ, ਡਾ. ਪਰਮਿੰਦਰ ਸਿੰਘ, ਰਾਮ ਸਵਰਨ ਲੱਖੇਵਾਲੀ, ਪੁਸ਼ਪ ਲਤਾ, ਹਰਿੰਦਰ ਕੌਰ ਬਿੰਦੂ ਅਤੇ ਕੁਲਦੀਪ ਕੌਰ ਕੁੱਸਾ ਸ਼ਾਮਲ ਹਨ। ਕਾਫ਼ਲੇ ਦੀ ਸਹਿਯੋਗੀ ਕਮੇਟੀ ਵਿੱਚ ਸੁਰਜੀਤ ਪਾਤਰ, ਵਰਿਆਮ ਸਿੰਘ ਸੰਧੂ, ਡਾ. ਆਤਮਜੀਤ, ਅਤਰਜੀਤ, ਬਲਦੇਵ ਸਿੰਘ ਸੜਕਨਾਮਾ, ਲੋਕ ਨਾਥ, ਕੇਵਲ ਧਾਲੀਵਾਲ, ਪਾਲੀ ਭੁਪਿੰਦਰ, ਸ਼ਬਦੀਸ਼, ਡਾ. ਸਾਹਿਬ ਸਿੰਘ, ਸੈਮੂਅਲ ਜੌਹਨ, ਹਰਕੇਸ਼ ਚੌਧਰੀ, ਮਾਸਟਰ ਤਰਲੋਚਨ, ਹੰਸਾ ਸਿੰਘ, ਹਰਵਿੰਦਰ ਦੀਵਾਨਾ, ਇਕੱਤਰ ਸਿੰਘ, ਗੁਰਪ੍ਰੀਤ ਕੌਰ, ਮਾਸਟਰ ਰਾਮ ਕੁਮਾਰ, ਜਗਸੀਰ ਜੀਦਾ, ਜੁਗਰਾਜ ਧੌਲਾ, ਅਮਰਜੀਤ ਪ੍ਰਦੇਸੀ, ਦੇਸ ਰਾਜ ਛਾਜਲੀ, ਲੋਕ ਬੰਧੂ, ਦਲਜੀਤ ਅਮੀ, ਜਸਪਾਲ ਮਾਨਖੇੜਾ, ਰਾਕੇਸ਼ ਕੁਮਾਰ, ਡਾ. ਅਰੀਤ, ਨਵਸ਼ਰਨ ਅਤੇ ਮਨਜੀਤ ਔਲਖ ਸ਼ਾਮਲ ਹਨ।

ਪ੍ਰੋ. ਅਜਮੇਰ ਔਲਖ ਦੀ ਸਾਹਿਤਕ ਘਾਲਣਾ ਦੇ ਮਹੱਤਵ 'ਤੇ ਟਿੱਪਣੀ ਕਰਦਿਆਂ ਕਾਫ਼ਲਾ ਕਨਵੀਨਰ ਨੇ ਕਿਹਾ ਕਿ ਅਜਮੇਰ ਔਲਖ ਦੇ ਨਾਟਕ ਲੁੱਟ ਅਤੇ ਜਬਰ 'ਤੇ ਆਧਾਰਤ ਸਮਾਜ ਦੀ ਅਸਲੀਅਤ ਨੂੰ ਬੇਨਕਾਬ ਕਰਦੇ ਹਨ, ਰਾਜ-ਸੱਤਾ ਦੀ ਅੱਤਿਆਚਾਰੀ ਤਬੀਅਤ ਦਾ ਪਰਦਾਫਾਸ਼ ਕਰਦੇ ਹਨ ਅਤੇ ਸਮਾਜ ਨੂੰ ਬਦਲਣ ਲਈ ਜਾਗਰਤੀ ਦਾ ਹੋਕਾ ਦਿੰਦੇ ਹਨ। ਅਜਮੇਰ ਔਲਖ ਦੇ ਰੰਗ-ਮੰਚ ਨੇ ਪਿਛਾਂਹ-ਖਿੱਚੂ ਸਭਿਆਚਾਰਕ ਕਦਰਾਂ-ਕੀਮਤਾਂ ਨੂੰ ਬੇਨਕਾਬ ਕਰਨ ਅਤੇ ਵੰਗਾਰਨ ਵਾਲੀ ਜੁਝਾਰ ਕਲਾ ਦਾ ਝੰਡਾ ਉੱਚਾ ਕੀਤਾ ਹੈ। ਸੰਸਾਰੀਕਰਨ ਦੇ ਹੱਲੇ ਦੀਆਂ ਮੌਜੂਦਾ ਹਾਲਤਾਂ 'ਚ ਲੋਕ-ਪੱਖੀ ਕਲਾਕਾਰਾਂ ਦੇ ਕਿਰਦਾਰ ਦੀ ਸਾਲਮੀਅਤ ਖ਼ਤਰੇ ਮੂੰਹ ਆਈ ਹੋਈ ਹੈ। ਇਹਨਾਂ ਹਾਲਤਾਂ ਵਿੱਚ ਪ੍ਰੋ. ਅਜਮੇਰ ਔਲਖ ਨੇ ਨਾ ਸਿਰਫ ਮਜ਼ਲੂਮ ਲੋਕਾਈ ਦੇ ਹਿੱਤਾਂ ਨਾਲ ਆਪਣੀ ਕਲਾ ਦਾ ਰਿਸ਼ਤਾ ਬਰਕਰਾਰ ਰੱਖਿਆ ਹੈ ਸਗੋਂ ਇਸ ਨੂੰ ਹੋਰ ਅੱਗੇ ਵਧਾਇਆ ਹੈ। ਨੌਜਵਾਨਾਂ ਨੂੰ ਨਰੋਈ, ਲੋਕ-ਪੱਖੀ ਅਤੇ ਕਰਾਂਤੀਮੁਖੀ ਕਲਾ ਦੇ ਲੜ ਲਾਉਣ ਵਿੱਚ ਪ੍ਰੋ. ਅਜਮੇਰ ਔਲਖ ਦਾ ਉੱਘੜਵਾਂ ਅਤੇ ਨਿਵੇਕਲਾ ਯੋਗਦਾਨ ਹੈ। ਸਾਹਿਤਕ ਖੇਤਰ ਦੀਆਂ ਅਗਲੀਆਂ ਕਤਾਰਾਂ ਵਿੱਚ ਆਪਣੇ ਯੋਗਦਾਨ ਤੋਂ ਇਲਾਵਾ ਪ੍ਰੋ. ਅਜਮੇਰ ਔਲਖ ਉਹਨਾਂ ਸਖਸ਼ੀਅਤਾਂ ਵਿੱਚ ਸ਼ਾਮਲ ਹਨ, ਜਿਹਨਾਂ ਨੇ ਜਮਹੂਰੀ ਹੱਕਾਂ ਦੀ ਰਾਖੀ ਦਾ ਝੰਡਾ ਚੁੱਕਿਆ ਹੋਇਆ ਹੈ। ਉਹ ''ਅਪ੍ਰੇਸ਼ਨ ਗਰੀਨ ਹੰਟ'' ਦੀ ਲੋਕ-ਦੁਸ਼ਮਣ ਅਸਲੀਅਤ ਨੂੰ ਲੋਕਾਂ ਸਾਹਮਣੇ ਲਿਆਉਣ ਦੇ ਉੱਦਮ ਵਿੱਚ ਸ਼ਰੀਕ ਹਨ। ਬਿਮਾਰੀ ਨਾਲ ਜੂਝਦੇ ਹੋਏ ਵੀ ਉਹਨਾਂ ਨੇ ਆਪਣੀ ਮਾਨਸਿਕ ਅਤੇ ਜਿਸਮਾਨੀ ਸ਼ਕਤੀ ਲੋਕ-ਹਿੱਤਾਂ ਨੂੰ ਸਮਰਪਤ ਕੀਤੀ ਹੋਈ ਹੈ।
ਬਿਆਨ ਵਿੱਚ ਦੱਸਿਆ ਗਿਆ ਹੈ ਕਿ ਇਹ ਸਨਮਾਨ ਸਮਾਰੋਹ ''ਅਜਮੇਰ ਔਲਖ ਸਲਾਮ ਅਤੇ ਸਨਮਾਨ ਜਨਤਕ ਮੁਹਿੰਮ'' ਦਾ ਸਿਖਰ ਹੋਵੇਗਾ। ਇਸ ਮੁਹਿੰਮ ਦੌਰਾਨ ਪਿੰਡਾਂ, ਸ਼ਹਿਰਾਂ ਤੱਕ ਮੀਟਿੰਗਾਂ, ਰੈਲੀਆਂ, ਸੈਮੀਨਾਰਾਂ, ਜਾਗੋ ਕਾਫ਼ਲਾ ਮਾਰਚਾਂ, ਨੁੱਕੜ ਨਾਟਕਾਂ ਤੇ ਸੰਦੇਸ਼ ਇਕੱਤਰਤਾਵਾਂ ਰਾਹੀਂ ਲੋਕ-ਹੱਕਾਂ ਦੀ ਲਹਿਰ ਤੇ ਸਾਹਿਤ ਕਲਾ ਦੀ ਸਾਂਝ ਨੂੰ ਹੋਰ ਪੱਕੀ ਕਰਨ ਦਾ ਸੰਦੇਸ਼ ਉਭਾਰਿਆ ਜਾਵੇਗਾ, ਜਿਸ ਦੌਰਾਨ ਗੀਤਕਾਰਾਂ, ਕਲਮਕਾਰਾਂ ਅਤੇ ਨਾਟਕਕਾਰਾਂ ਦੀਆਂ ਦਰਜ਼ਨਾਂ ਟੋਲੀਆਂ ਪੰਜਾਬ ਦੇ ਕੋਨੇ ਕੋਨੇ ਤੱਕ ਪਹੁੰਚਣਗੀਆਂ। ਸਮਾਗਮ ਦੇ ਸੁਨੇਹੇ ਲਈ ਪੋਸਟਰ ਅਤੇ ਹੱਥ-ਪਰਚਾ ਜਾਰੀ ਕੀਤਾ ਜਾਵੇਗਾ। ਕਾਫ਼ਲੇ ਦੇ ਤਰਜਮਾਨ ''ਸਲਾਮ'' ਦਾ ਇਸ ਮੁਹਿੰਮ ਨੂੰ ਸਮਰਪਤ ਅੰਕ ਵੀ ਜਾਰੀ ਕੀਤਾ ਜਾਵੇਗਾ।

ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ ਨੇ ਪੰਜਾਬ ਅਤੇ ਦੇਸ਼ ਵਿਦੇਸ਼ ਚ ਵਸਦੇ ਸਭਨਾਂ ਲੋਕ-ਪੱਖੀ ਸਾਹਿਤਕਾਰਾਂ ਅਤੇ ਕਲਾਕਾਰਾਂ, ਇਨਕਲਾਬੀ ਤੇ ਲੋਕ-ਪੱਖੀ ਜਥੇਬੰਦੀਆਂ ਅਤੇ ਸਾਹਿਤਕ-ਸਭਿਆਚਾਰਕ ਪਲੇਟਫਾਰਮਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸ ਮੁਹਿੰਮ ਵਿੱਚ ਵਧ ਚਡ਼ ਕੇ ਸ਼ਾਮਲ ਹੋਣ।

ਜਾਰੀ ਕਰਤਾ:
ਜਸਪਾਲ ਜੱਸੀ, ਕਨਵੀਨਰ
ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ
(ਕਨਵੀਨਰ ਫੋਨ ਨੰ. 9463167923)
ਗੁਰਸ਼ਰਨ ਸਿੰਘ ਲੋਕ ਕਲਾ ਸਲਾਮ ਕਾਫ਼ਲਾ ਸੰਪਰਕ ਨੰ. (ਪਵੇਲ ਕੁੱਸਾ 9417054015, 01636282947, ਅਮੋਲਕ ਸਿੰਘ 9417076735)

ਕਾਲੇ ਕਾਨੂੰਨਾਂ ਦਾ ਵਿਰੋਧ

ਕਾਲੇ ਕਾਨੂੰਨਾਂ ਦਾ ਵਿਰੋਧ

ਪਿੰਡ ਰਾਮਾਂ, ਨਿਹਾਲ ਸਿੰਘ ਵਾਲਾ

ਪਿੰਡ ਰਾਮਾਂ, ਨਿਹਾਲ ਸਿੰਘ ਵਾਲਾ

ਪਿੰਡ ਗਿੱਦਡ਼, ਬਠਿੰਡਾ

ਗਿੱਦਡ਼ ਬਠਿੰਡਾ