ਲੋਕਾਂ ਲਈ ਖਾਲੀ ਖਜ਼ਾਨਾ
ਵੱਡੇ ਧਨਾਢਾਂ ਦੇ ਢਿੱਡਾਂ 'ਚ ਪਾਉਣ ਲਈ ਭਰਿਆ ਰਹਿੰਦਾ ਹੈ
ਭਾਰਤ ਖਰੀਦੇਗਾ ਫਰਾਂਸੀਸੀ ਕੰਪਨੀ ਤੋਂ 50 ਹਜ਼ਾਰ ਕਰੋੜ ਦੇ ਲੜਾਕੂ ਜਹਾਜ਼
ਡਸਾਲਟ ਐਵੀਏਸ਼ਨ ਨਾਮ ਦੀ ਫਰਾਂਸੀਸੀ ਕੰਪਨੀ ਨੇ ਭਾਰਤੀ ਹਵਾਈ ਸੈਨਾ ਨੂੰ 126 ਲੜਾਕੂ ਜਹਾਜ਼ ਵੇਚਣ ਦਾ ਸੌਦਾ ਕੀਤਾ ਹੈ। ਇਸ ਸੌਦੇ ਦੀ ਕੀਮਤ 10 ਬਿਲੀਅਨ ਡਾਲਰ ਜਾਂ 50 ਹਜ਼ਾਰ ਕਰੋੜ ਰੁਪਏ ਹੈ। ਇਸ ਸੌਦੇ ਦੀਆਂ ਸ਼ਰਤਾਂ ਅਨੁਸਾਰ ਸਪਲਾਈ ਕੀਤੇ ਜਾਣ ਵਾਲੇ ਰਫ਼ੇਲ ਨਾਮੀਂ 126 ਜਹਾਜ਼ਾਂ ਦੀ ਗਿਣਤੀ ਵਧਾਈ ਵੀ ਜਾ ਸਕਦੀ ਹੈ। ਇਹ ਭਾਰਤ ਵੱਲੋਂ ਕੀਤਾ ਗਿਆ ਹੁਣ ਤੱਕ ਦਾ ਸਭ ਤੋਂ ਵੱਡਾ ਰੱਖਿਆ ਸੌਦਾ ਹੈ। ਇਸ ਸੌਦੇ ਨੂੰ ਆਪਣੀ ਝੋਲੀ ਪਾਉਣ ਲਈ ਡਸਾਲਟ ਵੱਲੋਂ ਮੁਕਾਬਲੇ 'ਚ ਖੜ•ੀਆਂ ਬੋਇੰਗ, ਲੌਗਹੀਡ ਮਾਰਟਿਨ, ਕਸਾਡੀਅਨ, ਯੂਰੋਫਾਈਟਰ, ਰੂਸੀ ਮਿਗ 35 ਅਤੇ ਐਸ.ਏ.ਏ.ਬੀ. ਵਰਗੀਆਂ ਪੰਜ ਛੇ ਕੰਪਨੀਆਂ ਨੂੰ ਪਛਾੜਿਆ ਗਿਆ ਹੈ। ਫਰਾਂਸੀਸੀ ਕੰਪਨੀ ਡਸਾਲਟ ਵੱਲੋਂ ਇਹਨਾਂ ਸਾਰਿਆਂ ਨਾਲੋਂ ਨੀਵੀਂ ਬੋਲੀ ਲਾਈ ਗਈ। ਹਾਲਾਂਕਿ ਮੁੱਢਲੇ ਅੰਦਾਜ਼ੇ ਅਨੁਸਾਰ ਇਸ ਸੌਦੇ ਦੀ ਕੀਮਤ 10 ਬਿਲੀਅਨ ਡਾਲਰ ਹੈ, ਪਰ ਸੌਦੇ ਬਾਰੇ ਛੇਤੀ ਹੀ ਸ਼ੁਰੂ ਹੋਣ ਜਾ ਰਹੀ ਵਿਸਥਾਰੀ ਗੱਲਬਾਤ ਦੌਰਾਨ ਇਹ ਕੀਮਤ ਵਧ ਵੀ ਸਕਦੀ ਹੈ।
ਭਾਰਤੀ ਹਵਾਈ ਸੈਨਾ ਦੇ ਡਸਾਲਟ ਨਾਲ ਹੋਏ ਸੌਦੇ 'ਤੇ ਫਰਾਂਸ 'ਚ ਜਸ਼ਨ
ਭਾਰਤੀ ਹਵਾਈ ਸੈਨਾ ਵੱਲੋਂ ਫਰਾਂਸ ਦੇ ਬਣੇ ਰਫ਼ਾਲੇ ਨਾਮ ਦੇ 126 ਜਹਾਜ਼ਾਂ ਦੀ ਖਰੀਦ ਕਰਨ ਦਾ ਸੌਦਾ ਹੋਣ ਦੀ ਖ਼ਬਰ ਫਰਾਂਸ ਅੰਦਰ ਸੁਰਖੀਆਂ 'ਚ ਹੈ। 1986 'ਚ ਪਹਿਲੀ ਵਾਰ ਉਡਾਣ ਭਰਨ ਵਾਲੇ ਇਸ ਜਹਾਜ਼ ਨੂੰ ਇਸ ਤੋਂ ਪਹਿਲਾਂ ਦੱਖਣੀ ਕੋਰੀਆ, ਨੀਦਰਲੈਂਡ, ਸਿੰਗਾਪੁਰ, ਮੋਰੱਕੋ, ਲਿਬੀਆ, ਬਰਾਜ਼ੀਲ, ਸਾਊਦੀ ਅਰਬ, ਸਵਿਟਜ਼ਰਲੈਂਡ, ਗਰੀਸ ਅਤੇ ਇੱਥੋਂ ਤੱਕ ਕਿ ਬਰਤਾਨੀਆਂ ਦੀ ਸ਼ਾਹੀ ਸਮੁੰਦਰੀ ਫੌਜ ਕੋਲ ਵੇਚਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ। ਪਰ ਇਹਨਾਂ 'ਚੋਂ ਕਿਸੇ ਵੀ ਕੋਸ਼ਿਸ਼ 'ਚ ਸਫ਼ਲਤਾ ਹੱਥ ਨਾ ਲੱਗੀ। ਦੀ ਹਿੰਦੂ ਅਖ਼ਬਾਰ ਦੇ ਸੂਤਰਾਂ ਮੁਤਾਬਕ ਭਾਰਤ ਨਾਲ ਹੋਏ ਇਸ ਸੌਦੇ ਨੇ ਕੰਪਨੀ ਨੂੰ ਡੁੱਬਣੋਂ ਬਚਾ ਲਿਆ ਹੈ। ''ਜੇ ਇਹ ਸੌਦਾ ਨਾ ਸਿਰੇ ਚੜ•ਦਾ ਤਾਂ ਕੰਪਨੀ ਨੇ ਨੌਕਰੀਆਂ ਦੀ ਛਾਂਟੀ ਤੇ ਫੈਕਟਰੀਆਂ ਬੰਦ ਕਰਨ ਵਰਗੀਆਂ ਗੰਭੀਰ ਸਮੱਸਿਆਵਾਂ 'ਚ ਫਸ ਜਾਣਾ ਸੀ।'' ਅੰਦਰਲੇ ਬੰਦਿਆਂ ਅਨੁਸਾਰ ਡਸਾਲਟ ਦੇ ਮੁੱਖ ਦਫ਼ਤਰ 'ਚ ਬੇਥਾਹ ਖੁਸ਼ੀ ਅਤੇ ਰਾਹਤ ਮਹਿਸੂਸ ਕੀਤੀ ਜਾ ਰਹੀ ਹੈ।
ਭਾਰਤੀ ਹਵਾਈ ਸੈਨਾ ਵੱਲੋਂ ਫਰਾਂਸ ਦੇ ਬਣੇ ਰਫ਼ਾਲੇ ਨਾਮ ਦੇ 126 ਜਹਾਜ਼ਾਂ ਦੀ ਖਰੀਦ ਕਰਨ ਦਾ ਸੌਦਾ ਹੋਣ ਦੀ ਖ਼ਬਰ ਫਰਾਂਸ ਅੰਦਰ ਸੁਰਖੀਆਂ 'ਚ ਹੈ। 1986 'ਚ ਪਹਿਲੀ ਵਾਰ ਉਡਾਣ ਭਰਨ ਵਾਲੇ ਇਸ ਜਹਾਜ਼ ਨੂੰ ਇਸ ਤੋਂ ਪਹਿਲਾਂ ਦੱਖਣੀ ਕੋਰੀਆ, ਨੀਦਰਲੈਂਡ, ਸਿੰਗਾਪੁਰ, ਮੋਰੱਕੋ, ਲਿਬੀਆ, ਬਰਾਜ਼ੀਲ, ਸਾਊਦੀ ਅਰਬ, ਸਵਿਟਜ਼ਰਲੈਂਡ, ਗਰੀਸ ਅਤੇ ਇੱਥੋਂ ਤੱਕ ਕਿ ਬਰਤਾਨੀਆਂ ਦੀ ਸ਼ਾਹੀ ਸਮੁੰਦਰੀ ਫੌਜ ਕੋਲ ਵੇਚਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ। ਪਰ ਇਹਨਾਂ 'ਚੋਂ ਕਿਸੇ ਵੀ ਕੋਸ਼ਿਸ਼ 'ਚ ਸਫ਼ਲਤਾ ਹੱਥ ਨਾ ਲੱਗੀ। ਦੀ ਹਿੰਦੂ ਅਖ਼ਬਾਰ ਦੇ ਸੂਤਰਾਂ ਮੁਤਾਬਕ ਭਾਰਤ ਨਾਲ ਹੋਏ ਇਸ ਸੌਦੇ ਨੇ ਕੰਪਨੀ ਨੂੰ ਡੁੱਬਣੋਂ ਬਚਾ ਲਿਆ ਹੈ। ''ਜੇ ਇਹ ਸੌਦਾ ਨਾ ਸਿਰੇ ਚੜ•ਦਾ ਤਾਂ ਕੰਪਨੀ ਨੇ ਨੌਕਰੀਆਂ ਦੀ ਛਾਂਟੀ ਤੇ ਫੈਕਟਰੀਆਂ ਬੰਦ ਕਰਨ ਵਰਗੀਆਂ ਗੰਭੀਰ ਸਮੱਸਿਆਵਾਂ 'ਚ ਫਸ ਜਾਣਾ ਸੀ।'' ਅੰਦਰਲੇ ਬੰਦਿਆਂ ਅਨੁਸਾਰ ਡਸਾਲਟ ਦੇ ਮੁੱਖ ਦਫ਼ਤਰ 'ਚ ਬੇਥਾਹ ਖੁਸ਼ੀ ਅਤੇ ਰਾਹਤ ਮਹਿਸੂਸ ਕੀਤੀ ਜਾ ਰਹੀ ਹੈ।
ਕੰਪਨੀ ਦੀ ਇਸ ਖੁਸ਼ੀ 'ਚ ਰਾਸ਼ਟਰਪਤੀ ਸਰਕੋਜ਼ੀ ਨਾਲ ਸੌਦੇ ਲਈ ਆਇਆ ਅਮਲਾ ਫੈਲਾ ਤੇ ਰਾਸ਼ਟਰਪਤੀ ਦੀ ਪਾਰਟੀ ਯੂ.ਐਮ.ਪੀ. ਵੀ ਪੂਰੀ ਤਰ•ਾਂ ਸ਼ਰੀਕ ਹੈ। ਇਹ ਫਰਾਂਸੀਸੀ 'ਜਿੱਤ' ਅਜਿਹੇ ਨਾਜ਼ੁਕ ਮੌਕੇ 'ਤੇ ਨਸੀਬ ਹੋਈ ਹੈ ਜਦੋਂ ਰਾਸ਼ਟਰਪਤੀ ਨੂੰ ਮੁਸ਼ਕਲ ਜਾਪ ਰਹੀਆਂ ਚੋਣਾਂ ਦਾ ਆਉਂਦੀ ਮਈ 'ਚ ਸਾਹਮਣਾ ਹੈ। ਆਸ ਕੀਤੀ ਜਾ ਰਹੀ ਹੈ ਕਿ ਆਪਣੇ ਆਪ ਨੂੰ ਮੁਲਕ ਦਾ ''ਚੋਟੀ ਦਾ ਸੇਲਜ਼ਮੈਨ'' ਦੱਸਣ ਵਾਲੇ ਸਰਕੋਜ਼ੀ ਨੂੰ ਇਸ ਸੌਦੇ ਦਾ ਭਰਪੂਰ ਲਾਹਾ ਹੋਣ ਵਾਲਾ ਹੈ।
ਜਹਾਜ਼ ਬਣਾਉਣ ਵਾਲੀ ਕੰਪਨੀ ਦਾ ਚੇਅਰਮੈਨ ਸਰਜੇ ਡਸਾਲਟ ਰਾਜ ਕਰਦੀ ਪਾਰਟੀ ਯੂ.ਐਮ.ਪੀ. ਦਾ ਮੈਂਬਰ ਹੈ। ਉਹ ਰਾਸ਼ਟਰਪਤੀ ਸਰਕੋਜ਼ੀ ਦੇ ਸਭ ਤੋਂ ਚੱਕਵੇਂ ਹਮਾਇਤੀਆਂ 'ਚੋਂ ਇੱਕ ਹੈ ਤੇ ਆਪਣੇ ਰੋਜ਼ਾਨਾ ਅਖ਼ਬਾਰ ਲੀ ਫਿਗਾਰੋ ਰਾਹੀਂ ਰਾਸ਼ਟਰਪਤੀ ਦੀ ਖ਼ੂਬ ਮਦਦ ਕਰਦਾ ਹੈ। ਸ਼ਾਇਦ ਇਹ ਦੋਨੋਂ ਜਣੇ ਆਉਣ ਵਾਲੀ ਚੋਣ ਮੁਹਿੰਮ ਤੋਂ ਪਹਿਲਾਂ ਹੋਈ ਇਸ ਜਿੱਤ ਦਾ ਆਨੰਦ ਮਾਣ ਰਹੇ ਹੋਣਗੇ।
ਹਵਾਲਾ ਦੀ ਹਿੰਦੂ
ਟੈਕਸ ਚੋਰੀ ਕਰਨ ਵਾਲੇ 12 ਸਭ ਤੋਂ ਵੱਡੇ ਧਨਾਢਾਂ ਸਿਰ
1 ਲੱਖ ਕਰੋੜ ਦਾ ਸਰਕਾਰੀ ਬਕਾਇਆ
ਕੈਗ ਵੱਲੋਂ ਇਸ ਗੱਲ ਦਾ ਖ਼ਲਾਸਾ ਕੀਤਾ ਗਿਆ ਹੈ ਕਿ ਆਮਦਨ ਟੈਕਸ ਬਕਾਇਆਂ ਦਾ 90 ਫੀਸਦੀ ਸਿਰਫ਼ 11 ਧਨਾਢਾਂ ਸਿਰ ਖੜ•ਾ ਹੈ। 11 ਧਨਾਢਾਂ ਸਿਰ ਖੜ•ੇ ਇਹ ਟੈਕਸ 1 ਲੱਖ 4 ਹਜ਼ਾਰ 92 ਰੁਪਏ ਹੈ। ਹੇਠਾਂ ਇਹਨਾਂ 11 ਧਨਾਢਾਂ ਦੇ ਨਾਮ ਦਿੱਤੇ ਗਏ ਹਨ—
1) ਹਸਨ ਅਲੀ ਖਾਨ – 50,345.73 ਕਰੋੜ ਰੁਪਏ
2) ਹਰਸ਼ਦ ਮਹਿਤਾ – 15,944.38 ਕਰੋੜ ਰੁਪਏ
3) ਚੰਦਰਿਕਾ ਤਪੂਰੀਆ – 20,540.83 ਕਰੋੜ ਰੁਪਏ
4) ਏ.ਡੀ. ਨਰੋਤਮ – 5,781.86 ਕਰੋੜ ਰੁਪਏ
5) ਹਿਤੇਨ ਪੀ. ਦਲਾਲ – 4200.04 ਕਰੋੜ ਰੁਪਏ
6) ਜੋਤੀ ਐਚ. ਮਹਿਤਾ – 1739.57 ਕਰੋੜ ਰੁਪਏ
7) ਅਸ਼ਵਿਨ ਐਸ. ਮਹਿਤਾ – 1595.51 ਕਰੋੜ ਰੁਪਏ
8) ਬੀ.ਸੀ. ਦਲਾਲ - 1535.89 ਕਰੋੜ ਰੁਪਏ
9) ਐਸ. ਰਾਮਾਸਵਾਮੀ – 1,122.48 ਕਰੋੜ ਰੁਪਏ
10) ਉਦੈ ਐਮ. ਅਚਾਰਿਆ – 683.22 ਕਰੋੜ ਰੁਪਏ
11) ਕਾਸ਼ੀਨਾਥ ਤਪੂਰੀਆ – 602.80 ਕਰੋੜ ਰੁਪਏ
